Marhuenda e os pijopogres de Podemos.

Primeiro eu non son pija... imposible; segundo 'progre' vén de progresista ... e reaccionaria non son. De todas formas, en moitos países precisamente é a clase alta que ten acceso á educación e que ten a vida máis fácil a que precisamente xa non aguanta a miseria e a violencia ó seu redor; a miña amiga brasileira Silvia agora está loitando en Francia polos dereitos de todos incluídos os immigrantes (ela ten nacionalidade francesa, ten unha filla e un marido francés, un bo traballo: que lle importarían os inmigrantes pobres ós que tanto insulta o Fronte Nacional, pois moito, porque non se pode ser feliz se a xente ó teu redor non o é. Non todos temo-la capacidade, a forza e a paciencia para cambia-las cousas pero o que polo menos podemos facer é apoiar ós que saben o que hai que facer e como facelo; e se tal dar ideas, opinar... contribuír.